Elektrolit REDJAR 6 in 1 (turli taʼmlar)

Izotonik jismoniy yuklamalar jarayonida sarflanadigan zarur mikroelementlarni (elektrolitlarni) organizmda toʻldirish uchun moʻljallangan.

Mushaklar va nervlarning asosiy funksiyalarini qoʻllab-quvvatlash uchun zarur. Organizmda elektrolitlar muvozanatini saqlash ish qobiliyatini oshirishga hamda jismoniy yuklamalardan, shuningdek, oʻtkazilgan kasalliklardan keyin toʻgʻri tiklanishga yordam beradigan muhim omil hisoblanadi.

• Natriy Natriy organizmda suyuqlik muvozanatini boshqarishda muhim rol oʻynaydi. Nerv qoʻzgʻalishining uzatilishiga va mushaklarning qisqarishiga yordam beradi. Organizmda natriy yetishmasligining asosiy belgilari mushaklar holsizligi, mushak tortishishlari, qon aylanishining buzilishlaridir.
• Kaliy Kaliy organizmdan ortiqcha suyuqlikning chiqarilishiga yordam beradi, qon bosimini meʼyorlashtiradi, yurak faoliyatiga ijobiy taʼsir koʻrsatadi, spazmlarning oldini oladi. Kaliy isteʼmoli kalsiyning siydik bilan chiqarilishini kamaytiradi. Organizmda kaliy yetishmasligining asosiy belgilari tez charchash, mushaklar holsizligi, yurak urishining tezlashishidir. Kaliy yetishmasligi nerv impulslari uzatilishining buzilishiga olib keladi.
• Kalsiy Kalsiy suyaklar va tishlarning shakllanishida, yurak faoliyatida muhim rol oʻynaydi. Nerv impulslarining uzatilishida va mushaklarning qisqarishida, qon ivish jarayonlarida ishtirok etadi. Organizmda kalsiy yetishmasligining asosiy belgilari holsizlik va tez charchash, uyqusizlik, qoʻl va oyoq barmoqlarining uvishishi va sanchishi, mushak tortishishlaridir. Kalsiy yetishmasligi immunitetni susaytiradi.
• Magniy Magniy uyquning meʼyorlashishiga yordam beradi, emotsional holatga ijobiy taʼsir koʻrsatadi, stress bilan osonroq kurashishga yordam beradi. Mushaklarni boʻshashtiradi, tortishishlar, mushak va boʻgʻim ogʻriqlari paydo boʻlishining oldini oladi. Yurak-qon tomir kasalliklari rivojlanishi xavfini kamaytiradi. Suyaklar va tishlarning shakllanish jarayonida ishtirok etadi. Organizmda magniy yetishmasligining asosiy belgilari mushak spazmlari, charchoq, apatiya va uyqusizlikdir.

1 tabletkaning (3,8 g) ozuqaviy qiymati (oʻrtacha qiymatlar): uglevodlar – 1 g.

Energetik qiymati: 30 kJ/ 10 kkal.

Tayyorlash usuli: 1 tabletkani 500 ml suvda eriting.

Tayyorlangan ichimlikni kun davomida isteʼmol qiling.

Yosh cheklovi: 18+.

1 shipuchi tabletka tarkibida:

• Natriy - 300 mg (natriy karbonat va natriy gidrokarbonatdan);
• Kaliy - 150 mg (kaliy gidrokarbonat va kaliy xloriddan);
• Magniy - 25 mg (magniy oksiddan);
• Kalsiy - 13 mg (kalsiy karbonatdan).

Yordamchi moddalar: maltodekstrin, kislotalilik regulyatori limon kislotasi, stabilizator polietilenglikol, shirinlashtiruvchi steviya ekstrakti, L-leytsin, tabiiy boʻyoqlar va aromatizatorlar.